~ Know ur skin type ~ اعرفي نوع بشرتك ~
7:04:00 صكيف تعرفي نوع بشرتك 🌸
لي البنات اللي مايعرفوش نوع بشرتهم كويس 👸🏻
ح نشرح على أسهل زوز طرق لمعرفة نوع بشرتك💫🌸
أول طريقة هي في الليل قبل ما ترقدي ماديريش اي كريم لي وجهك ، أغسليه و ارقدي 😴
الصبح اول ما تنوضي و ع المرايا مسي بشرة وجهك و تكون يدك نظيفة ✋🏻
⚜ لو بشرتك كلها تلمع و لقيتي دهون في يدك و مسام واضحه معناها بشرتك دهنية 🌸
⚜ لو بشرتك مشدودة كلها أو فيها شوية قشور و سطحها مش ناعم " خشن شوية " معناها بشرتك جافة 🌸
⚜ لو منطقة ال تي زون ( الجبهة و الأنف و شوية الخدود جهة الأنف ) أدهن و باقي الوجه جاف معناها بشرتك مختلطة 🌸
⚜ اسهل نوع بشرة باش تعرفيها هي البشرة العادية 😍 و اللي هيا تلقيها نفس ما رقدتي يعني ماتغير فيها شي 🌸
⚜أخر نوع و أصعب نوع في التعامل اللي هيا البشرة الحساسة 😊 تتحسس بسرعة و ماتتحملش اي نوع منتجات فيهم عطور و تحمّر فيسع من ابسط شي ( الصقع ، الحمو ، الضحك هلبا )
و الطريقه التانيه هيا ان تغسلي وجهك الصبح و بعد ساعه او اكثر اديري نفس التجربة و تشوفي النتيجة اللي تطلع معاك 🌸
0 التعليقات