~ Sephora favorites ~ منتجات لا يمكنني الاستغناء عليها ~
10:19:00 ص~ products to Go ~ 🌸
Merci bcp Sephora pour les deux produits laa ❤️❤️❤️❤️Je sais pas comment j'étais sans le Super démaquillant yeux waterproof et l'Anticernes 🌸
منتجات نعشقهم 😍 تكلمت عليهم قبل على السناب تشات wissal-s بس ماعطيتهمش حقهم لأن جد ابداع 💕
- مزيل المكياج حاجه خياليه ✨ كنت نستعمل في مزيل مكياج بايوديرما مايحسسش العيون ولا يحرقهم و يمسح في المكياج اللي ضد الميه ( واتر بروف ) كويس بس مستحيل زي هدا 😳
هدا مسحه وحدة ع الساريع يمسح كل شي .
حتى لو خش في العين مستحيل يحرقها و ساهل للاستعمال ( امتا نكون تعبانه و نبي نرقد نمسح بيه يسهلي الموضوع هلبا بدات لو مدايره ماسكارا ضد الميه 😍 طبعاً بعده لازم تغسلي عيونك.
- كونسيلر ( خافي العيوب ) قداش بنحكي عليه شوية 🌚 عشقي و تاني مرة نشريه ❤️😍.
حلو سواء لي تحت العين او على باقي الوجه.
خفيف بس في نفس الوقت يغطي كويس هلبا 🌸💕.
فيه نسبة ترطيب 😍 بس لو عندك جفاف قوي محتاجه ترطيب عالي قبله 😅 لأن ح يبينه لكي و اخرا لازم ترطبي منطقة حوالين العين كويس قبل اي كونسيلر.
مع الاستعمال اليومي ماشفتش منه اي ضرر.
سهل للاستعمال و يندمج فيسع و احسن شي انه مش طول يجف ✨ يعني اللي تعرف تستعمل المكياج كويس او لا تقدر تستعمله.
مايخططش تحت العين ولا يتكثل و اخرا يطول معاك اليوم كله 😍❤️.
امتا نكون مستعجلة و ماعنديش نية ندير فاونديشن نحطه بس هوا تحت العين و شوية على اماكن يبو تغطيه و ندمجه على كامل الوجه يعطيني تغطيه حلوة و خفيف 💕.
العيب الوحيد نحسه ان مافيش درجات هلبا ( سته ، ثلاثه ع الأصفر و ثلاثه ع البودري ) .
ننصحكم بيهم المنتجات الزوز هادو 😍❤️
0 التعليقات