~ AS DESIGNER ~ مصممات أ س ~
11:25:00 صماركة AS Abaya
الماركة هادي من تصميم زوز بنات خوات أميرة و سلمى المشيري , اميرة 21
سنة و سلمى بعمر صغير ما شاء الله 16 بس الابداع و التميز اللي عندهم كبير.
الأزياء شغف اميرة من امتا كانت صغيرة و بعد كبرت قرروا نهم يديرو
مشروع خاص بيهم , يصممو و يطبقو الأفكار على أرض الواقع بمساعدة خياطين اخرين .
في بدايتهم بدو بدايه بسيطة و ماكانش فيه هلبا خدوهم بس من اول
تصميمين ليهن لقو اقبال الناس و حبهم لي العبايات و البشت اللي من تصميمهم ف حبو
انهم يكملو في المشروع.
اسم الماركة AS و يعني اول حرف من اساميهن Aya & Salma
حاليا وصلو لي نجاح كبير و حب الناس الكبير لي تصاميمهن ما شاء الله ,
و بي خبر من اميره ان الكولكشن الصيفي الجاي ان شاء الله ح يكون هوا الكولكشن اللي تحلم بيه من زمان , و قالت انه ح يكون خطوة جريئة بس في نظري اكيد ح يطلع حلو و
قنبلة الموسم3>
و ايضا قالت ان ح يصممو ملابس مناسبه للمرأه المحجبه بحيث انهم يكونو
مريحين و مستورين بس بي طريقة عصريه.
شي جميل ان يكون فيه مشروع رائع و ناجح هكي و يكونو خوات اللي داروه .
العمل العائلي حاجة حلوة هلبا3>
فخورة و سعيدة بيهن , ربي يوفقهم و من تقدم لي تقدم.
في انتظار مفاجءات الكولكشن الجديد بفارغ الصبر و اكيد ح نوافيكم بكل
جديد .
و توا نخليكم مع صور لي بعض من تصاميمهن الجميلة :
- اكثر تصميم جذبني و حبيته هلباا.
حبيت الالوان و اللمسة الراقيه اللي تغير اللوك كله .
رقي و بساطة .
- كاب متعدد اللبس , ينلبس فوق عباية يعطي منظر غير و حلو
او فوق بنطالون يعطي منطر اكثر احتشاما و رقي .
- التصميم هدا نااعم و حلوو , حبيته هلبا و حبيت التفاصيل اللي فيه 3>
هدا حسابهم على الانستقرام هوا AS_ABAYA_DESIGNS
https://www.instagram.com/as_abaya_designs/
0 التعليقات