~ CORDELIA DESIGNER ~ مصممة كورديليا ~

7:06:00 ص

ماركة كورديليا

مصممة ماركة كورديليا هي المبدعة ما شاء الله ( إسراء ) صاحبة صفحة _MISS_CORDELIA

على الإنستقرام .

بدايتها كانت على الإنستقرام بأنها تنزل في DIY ( Do it yourself )

بحيث أنها تصنع حاجات حلوة و مفيدة من حاجات كانت بسيطة او ماينستعملوش.

زي انها صنعت حاملة فرش من حوض نباتات .

صنعت هايلايت ( إضاءة ) كريمية , تيشرت كانت سادة و عادية حولتها لي تيشرت حلوة وعصرية .

و غيرهم من الأفكار الحلوة ,

بعد فترة لقت تشجيع كبير من أهلها , صديقاتها و من متابعات الصفحة بأنها تفتح مشروع خاص بيها ,

بدت أول تصميم ليها بي ميزانية بسيطة جدا ( 100 دينار ليبي ) و طبقت التصميم اسمه ( بشتاكت ) اللي هوا مزيج بين البشت العادي و الجاكيت – اني من محبات التصميم هدا هلبا – بعد شافت الإقبال و تشجيع الناس ليها و حبهم لي التصميم قررت انها تكمل المشوار و تنزل كولكشن مميز جديد .

لمى سألتها ليش ختارت اسم كورديليا قالتلي انها امتا كانت صغيرة تفرجت على فيلم و لفتها اسم كورديليا و بعد بحتث عليه عرفت انه اسم بنت ملك و تحب الازياء و عندا ستايلها الخاص و معناه القلب او عمق البحر , اصل الإسم لاتيني.

حبيت الإسم هلباا و بعد عرفت معناه حبيته اكثر – اختيار ممتاز و مميز –

شغل الكولكشن كله كان شغل شخصي يعني كله داراته بروحها و حبيت تفكيرها و طيبتها امتا قالتلي ان نص الأرباح ح تكون تبرع لي الناس المحتاجة لأنها من امتا كانت صغيرة كان هدفها انها تساعد الناس.

ربي يوفقك حبيبتي و كل الفخر و الدعم مني .

بنت عندها خيال حلو لي تصاميمها ,

تحب تصمم كل تصميم بأنه يكون منوع و متعدد اللبس يعني زي بشت\فستان , بشت\جاكيت

و في المستقبل عندا افكار اكثر ان شاء الله .

حلو ان الواحد يكون عنده حلم يصر على تحقيقه لين يوصل وين هوا يحب

( كل الماركات بدت بي حاجات بسيطة و توا اصبحت ماركات عالمية )

و ان شاء الله نشوفو ماركة كورديليا من الماركات العالمية.

و توا نخليكم مع صور لي تصاميم المبدعة إسراء:

- قفاز من تصميمها 3>

- هادو بعض ال DIY اللي دارتهم :

- تصاميم من كولكشن ربيع و صيف 2016
التصاميم الثلاثة يهبلووو 3> حبيتهم هلبااا , نااعمين .
مناسبين لي الطلعات اليومية و في نفس الوقت لو عندك طلعة مهمة او مناسبة صباحية 3>