~ how to know ur undertone ~ كيف تعرفي الاندرتون الخاص بك ~
2:27:00 ص~ معرفة الأندرتون ~ ✨
امتا تعرفي الاندرتون متاعك ح يسهل عليك واجد حاجات 💞- لون الفاونديشن المناسب ليك .
- الوان الايشادو الحلوات عليك .
تنسيق الملابس و الاوشحه .
و غيرهم ...
الاندرتون :~
~ البارد .
~ الدافئ .
~ الطبيعي او المحايد .
كيف تعرفي الاندرتون متاعك ؟
في ضوء الشمس الصبح شوفي عروق يدك من داخل يعني من جهة الشريان الأصليه اللي توصل القلب , زي ما في الصورة ✨ و الأفضل انك تشوفيهم كدا ان يوم يعني مش مرة وحدة و تقولي خلاص و اهو نقولك ليش
1- لو طلعو عروقك ( زرق 💙 ) معناها الاندرتون متاعك بارد cold يعني يمشي معاك الفاونديشن اللي فيه نسبة بودري خفييفة ، مائل للبودري يعني 🌸 .
2- لو طلعو عروقك ( خضر 💚 ) معناها الاندرتون متاعك دافئ worm يعني يمشي معاك الفاونديشن اللي فيه نسبة صفار ، مائل للأصفر 💛
اما لو كل مره يطلعولك لون او يطلعو الالوان الزوز مع بعض معناها مختلط يعني محايد 💚💙 و يمشي معاك الزوز البودري و الأصفر ، او تخلطي زوز فاونديشنز مع بعض واحد على صفار و واحد على بودري ❤️
و هدا لاش قلت لازم تشوفي العروق كدا ان مره باش تتأكدي لأن اصحاب الاندرتون المختلط ( زيني اني ) مرات يطلعو زرق و مرات يطلعو خضر 😒 .
او فيه طريقه اخرى :~
خودي زوز أوشحة او أقمشة او اي شي ✨
واحد لونه أحمر مائل للبرتقالي ❤️🍊 دافئ
و التاني لونه أحمر مائل للأزرق ❤️💙 بارد
و حطيهم على رقبتك و شوفي وجهك كيف ح يطلع
اللون اللي ح يخلي لونك شاحب و مافيش حياة و نظارة لي وجهك و يبينلك الهالات و الخطوط و العيوب معناها هدا مش اللون المناسب ليك أي مش الاندرتون متاعك ❌✋
أما اللون اللي ح يعطي انارة و نظارة للبشرة و مايطلعش الخطوط هلبا و مايبرزش الهالات و العيوب معناها هدا هوا اللون المناسب ليك و الأندرتون متاعك ❤️😍
جميع الفاونديشنز من جميع الماركات عندهم للاندرتون الدافئ و عندهم للبارد 💞
بس تنبيه 🚫✋
ماركة M.A.C العكس يعني الفاونديشن اللي تلقيه NC معناها للاندرتون الدافئ و اللي NW معناها للأندرتون البارد .
عاكسينهم مش عارفه ليش و الشيء هدا حتى للكونسيلرز.
0 التعليقات