~ Hair Oil ~
12:28:00 م~ مشاكل الشعر ~
تغير الميه و تغير الجو و المكان و الأكل الغير منتظم و أهم شي الحراره ( السشوار و الستريتنر و غيرهم ) و الصبغات و قلة شرب الميه و حتى النفسيه هادو العناصر اللي يدمرو الشعر :((الشعر يولي جاف بكل و يبدا يطيح
أني في فترة الامتحانات رمضان و السفر تلخبط كل شي عندي و شعري رجع في حاله :((
بديت نستخدم في هالزيت ( ثوم و فلفل في زيت زيتون و تخليهم اسبوع بعدها كيف تستعمليه )
ندير في حمام زيت نخليه من ساعه لي زوز و نغطي شعري ( باش ياخد مفعول اكثر و لأن ريحة الثوم قويه)
بس حصلت نتائج ماكنتش نتوقعها 3> اهم شي ان التساقط خف بنسبة كبيييره و شعري رجعتله صحته الاوليه و يغلاض
أهم شي تستمرو عليه مرتين او ثلاثه في الاسبوع
( الثوم يكثف في الشعر و الفلفل يطول فيه و زيت الزيتون غني عن التعريف )
المهم حسيت بشعري ماعاتش جاف هلبا و يغلاض و تحسن في النمو ❤️
أمتا تغسليه ريحة الثوم تقعد شوية بس أول ما يجف الريحة تمشي بكل
نصيحة : ردو بالكن تمشطن شعركن و هوا مبلول لأن الشعر المبلول معرض لتساقط بنسبة كبيره ف يفضل تراجي لين يجف بروحه بدون مجفف بعدها مشطيه عادي :)
0 التعليقات