~ VICHY FACE CREAM ~ كريم فيشي للوجه ~
12:46:00 م~ Vichy NORMADERM ~
- كريم ترطيب من ماركة فيشي Vichy الفرنسية.
فيشي هي
ماركة طبيه و تجميلية يعني عندهم منتجات العناية المعالجة للجسم , البشرة و الشعر , و عندهم مكياج طبي .
~ الكريم هدا
متعدد الفوائد :-
~ الترطيب :
مكتوب انه يرطب البشرة لي مدة 24 ساعة , حسب تجربتي ليه 3> ترطيبه قوي هلباا ,
عميق و يخلي البشرة نااعمة و زي ملمس بشرة البيبي ( بالرغم ان في فترة استعمالي
ليه كانت بشرتي جافة هلبا )
بس نحسه
مناسب حتى للبشرة الدهنية لي المختلطة لأن البشرة تمتصه و مايقعدش يدهن .
~ يعطي جمال
للبشرة : من الأيام الأولى للاستعمال يعطي للبشرة شكل حلو زي الراحة ( طبعا مع
اهتمام مش تستعملي هدا بس و تبي نتائج حلوة ! ) يعطي حيوية و نظاره .
~ يخفف من
التصبغات : من استعمالي ليه المنتظم خففلي اثار الحب اللي كان عندي , و صفالي وجهي
أكثر , Anti-blemish .
مكتوب من
صفاته ايضا انه يوحد لون البشرة و يخفف من الحبوب و المسام .
بالنسبة
للمسام الوضع يحتاج استعمال لي فترة طويلة لأن علاج المسام ياخد في وقت بدات لو
مسامك كبيرة .
و الحبوب
يمكن حسب الحبوب اللي عندك بس لو كبيرة و حب شباب و من فترة ماعتقدش انه ح يشيلهم
لكي بروحه .
مناسب
للبشرة الحساسة .
استعملته فترة اسابيع و حبيته هلبا , حسيته دار تغيير حلو في
بشرتي .
ماركة فيشي
متوفرة عند أغلب الصيدليات في أغلب بلدان العالم و متوفرة في ليبيا 3>
0 التعليقات