~ الطاقة الإيجابية ~

ح نحكي على موضوع خارج المكياج
 ، بس لو طبقتوه مزبوط ح تلاحظو فرق كبير في جمالكم :))
اللي هوا الإيجابية و طرد الأفكار السلبية من تفكيركم ،
واللهي عن تجربه " الأفكار السلبية و لما تقعدي تفكري في مواضيع يضايقو فيك لي فترة ح يزيدو المشاكل عندك و كل شي ح يتلخبط سوا في بشرتك او شعرك او حتى صحتك
 " القلق يسبب هلبا مشاكل و هلبا أمراض تمشي تعالجي و يقولولك مافيك شي و السبب من الزعل و القلق ،
 ( كتاب the secret اقروه و اني متأكده ان ح يغير نظرتكم للحياة هلبا )
 لما تفكري في الأفكار السلبية معناها انتي تقولي لي دماغ نبي مازال افكار سلبية :((
 بس لما تطردي كل شي مش كويس و تفكري بس في الحاجات اللي كويسه و طموحك و تفكري في حل لمشاكل بدون زعل و تقتنعي ان لكل مشكلة حل و ان الله مع الصابرين كل شي ح يتغير عندك 3>
 بشرتك ح ترجعلها النظارة و شعرك ح يرجع لي صحته و صحتك تتحسن :*
نعرف ان صعب الوحده فينا تفوت كل ضغوط الحياة و المشاكل و فقدان أشخاص غالين على قلوبنا ،
 بس الدنيا تمشي و ربي ما ياخد شي الا و يعطي حاجه أحلى
، و لازم تفكري في نفسك و الناس اللي حواليك و اللي يحبوك 3> 
ف حبي روحك و ثقي في نفسك و انك قادرة على تخطي كل الصعوبات و انك تكوني دائماً على أمل ان الحياة حلوة :)
 و ره اللي تفكري فيه ح يجيك سواء حلو او شين ، ف خلي ديما أفكارك حلوه باش تولي حياتك أحلى :)