~ FUTUROSCOPE ~
9:00:00 ص~ مدينة ملاهي فوتوغسكوب ~
موجودة في مدينة بواتي Poitou فرنسا .
مفتوحة من الساعة 10 ص لي الساعة 11:15 م , كل يوم 3>
حلووة هلباا و ممتعة , فكرة تكون رائعة لي العطلة او الصيف 3> و تغيرت جو لي جميع الأعمار , ترفيه لي الكل الكبار و الصغار .
الأسعار :
- الصغار أقل من 5 سنين ببلاش ( مجانا ) .
- من 5 سنين لي 16 سنه بي 34 .
- من 17 سنة لي 59 سنة بي 42 .
- من 60 سنة و أكثر بي 39 .
و توا مدايرين عرض من 7 نوفمبر لي 3 يناير , الأعمار من 16 سنة و أقل مجانا .
الأسعار هادي لي يوم واحد و لي التذاكر العادية , فيه أنواع تذاكر اخرى لي القروبات و الرحلات المدرسية و غيرها 3>
- أول ما تخشو تلقو خرائط لي المكان , أماكن و أرقام كل الألعاب 3>
- فيه مجموعة كبيرة من الألعاب الحلوة فيها متعة و تشويق و أحللللى لعبة هي ARTHUR L’AVENTURE 4D . رباعية الأبعاد يعني بالنظارات و اني عشت فيها أحللى تجربة 3> تهبللل و مناسبة لي الكبار و الصغار لازم يفوتو طول معين أو يردوهم .
و فيها ألعاب رقمية لي السيارات و غيرها .
و فيه مجموعة عروض ممتعة و صالة سينما كبيرة فيها عروض حلوة.
- فيها مجموعة مقاهي و مطاعم كبيرة بمختلف أنواع الأكل ( السعر طبعا أكثر من السوق اللي برا ) و ك مسلمين الأكل مش ح يريحنا هلبا بس تقدرو تاخدو معاكم من برا عادي :))
- مجموعة محلات لي الألعاب و تحف و أغراض تانية للذكرى 3>
فيه فنادق تابعة ليهم قريبة لي اللي يبي مكان قريب .
حلووة هلباا و جوها حلوو , ننصحكم أن تمشولها في وقت مافيشي صقع هلبا باش تاخدو راحتكم أكثر و تمشو في أيامات الأسبوع لأن في السبت و الأحد زحمة و طوابير لي وقت طوييل على كل لعبة :((
هدا موقعهم : www.futurscope.com
و الرقم لي أي استفسار : 0549493000
هادي خريطة المكان :))
0 التعليقات