~ DISNEY LAND PARIS - ديزني لاند باريس ~
4:56:00 م~ أكبر مدن الملاهي في أوروبا ~
بعيدة من سنتر باريس 32 كيلومتر
القطار محطة Marne-la-Vallee
ساعات زيارة ديزني :
في أيام الأسبوع من الساعة 10 الصبح لي ال7 الليل , أما نهاية الأسبوع ( السبت و الأحد ) من الساعة 10 الصبح لي ال10 الليل .
أسعار الدخول :
الأطفال لي 3 سنين مجانا .
من ال 3 سنين لي ال11 سنة , يبدا من 40 لي 77 € ( و لو تذكرة الدخول + تذكرة باص من باريس لي ديزني لاند = 80€ ) و حاليا مدايرين عرض اقل من 12 سنة مجانا .
من ال12 سنة و أكثر , يبدا من 47 لي 84 € ( تذكرة الدخول + تذكرة الباص من باريس لي ديزني لاند = 99 € )
و فيه أوقات يديرو في تخفيضات بس مايبيعوش فيهم من البارك , من الموقع الرسمي للبارك اشروهم 3>
و من الموقع ارخص من الشري وقتي :))
المطاعم :
فيه هلبا مطاعم و جميع أنواع الأكل بس نحنا ك مسلمين مش ح نرتاحو من ناحية هالموضوع ( بالنسبة للأسعار أكثر سعر من مطاعم باريس) و مسموح بدخول الأكل ( لو بتاخدو معاكم أكل حلال )
الأماكن :
- Parc Disneyland ( قصر الأميرات )
- Parc Walt Disney Studio ( استديو التصوير , مسرحيات و عروض و غيرها من النشاطات )
ننصح أن تاخدو تذكرة يوم واحد لي بارك واحد بس لأن صعب جدا تكملوه و تخشو الزوز.
في المدخل فيه خريطة البارك بمختلف اللغات و منها تعرفو الاماكن اللي بتمشولهم طول و تواقيت العروض و المسرحيات و أماكن وجود الشخصيات 3>
محلات في كل مكان و شوارع خاصة بالمحلات لي شري الألعاب و ملابس الشخصيات و ذكرى و غيرها من حاجات ديزني 3>
الألعاب متعة خياااالية , لو فيه زحمة و طابور طويل وقت انتظاركم لدخول اللعبة و ماعندكمش وقت او نية تراجو , فيه تذاكر خاصة تشروهم و تخشو طول بدون ما تراجو بكل
و في نهاية كل يوم تبدأ الاحتفالات الختامية في ديزني 3> و هادي أحلللى شي و جو حلوو هلباا
ننصحكم تمشو بكري و تقسمو وقتكم و لو تشوفو خريطة البارك و تخططو لي اهم الامكان اللي بتمشولهم ح تلودو فيها كويس و بدون ما يفوت عليكم شي و بكل رياحية.
الفنادق :
لي اللي بياخد يومين وراء بعض و يبي يبات في ديزني لاند فيه مجموعة فنادق :
فنادق ديزني :-
- Disneylland Hotel
- Disney's Hotel New york
- Disney's Newport Bay Club
- Disney's Sequoia Lodge
- Disney's Hotel Cheyenne
- Disney's Hotel Santa Fe
- Disney's Davy Crockett Ranch
فنادق شركات اخرى :-
- Adagio Marne-la-Vallee Val d'Europe
- Algonquin Explorers Hotel
- B&B Hotel
- Hotel l'Elysee Val d'Europe
- Kyriad Hotel
- Radisson Blu Hotel
- Vienna International Magic Circus Hotel
- Vienna International Dream Castle Hotel.
http://www.disneylandparis.fr/ الموقع الرسمي , و رقم لي أي استفسار : 0825300500 .
0 التعليقات