~ Normal Skin ~ البشرة العادية ~
3:31:00 م~ البشرة العادية ~ ⚜
احلى و اريح نوع بشرة بالنسبة ليا 😍كل اللي عليك هوا المحافظة عليها يعني ردي بالك تستعملي منتجات البشرة الدهنية تجففلك بشرتك و يمكن تتحول لي جافة أو تستعملي منتجات البشرة الجافة و تتحول بشرتك لي بشرة دهنية لأن في الحالات الزوز تعطي في بشرتك حاجات اكثر من ما هي تلزم ف بتتغير ❌
~ التنظيف 💕
استعملي غسول مناسب لي بشرتك يعني ما يكونش فيه نسبة ترطيب عالية ولا يكون فيه مواد تساعد في تخفيف إفراز الدهون و تلقو مكتوب ع الغسول
For normal skin ⚜
و لو مالقيتيش خودي منتجات البشرة الحساسة باش يقعد لطيف على بشرتك 💕
~ التونر 💕
استعملي بخاخ ماء الورد او بقطنة مرري ماء الورد مخفف بالماء ( نزلت الطريقة من فترة ، تلقوها في بوست تحت ) 🌸😍
~ المرطب 💕
استعملي مرطب يكون متوسط 🌸 مش ثقيل هلبا و لو في الشتاء بشرتك مالت لي الجفاف شوية ( هالشي طبيعي ) استعملي مرطب في الليل اقوى شوية باش تترطب كويس في الليل و النهار تكون بشرتك مترطبة و ناعمة ✨
و لي كل نوع بشرة مهم ماسكات الترطيب و التنظيف العميق للبشرة في الاسبوع مره او مرتين ( ماتكتروش من المنتجات هلبا هلبا على بشرتكم باش ماضروهاش )
كل الماركات عندهم منتجات للبشرة العادية
~ كلينيك ، كلارنس ، بايوديرما و غيرهم من الماركات .
و الأفضل تستعملو منتجات طبية 😍
0 التعليقات